Është mbyllur në barazim pa gola pjesa e parë mes Teutës dhe Kukësit, takim i vlefshëm për javën e 4-t të Kategorisë Superiore.
Pavarësisht rezultatit në “Niko Dovana” është zhvilluar një lojë e kënaqshme me disa raste për shënim. Rasti i parë i rrezikshëm i përket Kukësit në minutën e 2-të. Giasi shpërthen në krahun e djathtë dhe shfaqet para Qirkos, por gardiani ndal me këmbë gjuajtjen e tij drejt portës.
Vendasit kundërpërgjigjen në minutën e 18-të. Vila nis Boçin drejt portës dhe ky i fundit gjuan me të djathtën, por gjen përgjigjen vendimtare të portierit Tafas.
Ndërkohë momenti më I rëndësishëm në këtë fraksion të parë të lojës i përket minutës së 45-të. Ferreira ndal Hebajn i cili nisej drejt portës. Gjyqtari jep faull dhe karton të verdhë për portugezin. Ferataj shkon të shohë pamjet me VAR dhe pastaj jep kartonin e kuq për mbrojtësin e Kukësit.