Një e re në Sarandë ka përfunduar në spital, pasi dyshohet se është hedhur nga kati i dytë i banesës.
“Gjatë natës, në spitalin e Sarandës është dërguar për ndihmë mjekësore shtetasja E.M., 23 vjeçe, e cila dyshohet se është vetëhedhur nga kati i dytë i pallatit ku jeton. Aktualisht ndodhet në spital, nën kujdesin e mjekëve”, njoftoi këtë të Premte policia.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, ndërsa materialet i kaluan Prokurorisë për veprime të mëtejshme, shtuan të njëjtat burime.