Nuk kanë kaluar as pesë muaj që kur është zyrtarizuar nënshkrimi i Erling Haalandit te Manchester City dhe duket se “ylli” novergjez nuk i mungon Borussias së Dortmundit. Deklarata e fundit e Sebastian Kehl, drejtor sportiv në klubin gjerman, ka befasuar shumë. Drejtuesi verdhezi ka siguruar që sulmuesi norvegjez ishte bërë barrë si brenda dhomës së zhveshjes dhe jashtë saj.
“E kemi vlerësuar gjithmonë Erlingun dhe suksesin që ai ka pasur me fanellën tonë, por në fund ishte bërë problem për ne si në dhomën e zhveshjes ashtu edhe për klubin. Në përgjithësi, për të gjithë mjedisin, ishte vetëm ai. Koha e shitjes ishte e duhura, si për ne, ashtu edhe për City-n. Fakti që 10 golat tanë të parë këtë sezon janë shënuar nga 10 lojtarë të ndryshëm e dëshmon këtë”, – tha Kehl për “Sport Bild”. – “Do të kisha dashur të largohej pak më herët, sepse kjo çështje e kufizoi përgatitjen tonë. Pa të, ne kemi mundësinë t’u besojmë lojtarëve të tjerë. Fakti që dhjetë golat tanë të parë janë shënuar nga dhjetë lojtarë të ndryshëm, e tregon këtë mjaft mirë”.
Polemika është servirur vetëm pak ditë para se Manchester City dhe Borussia Dortmund të përballen në Champions League (e mërkurë, ora 21:00).
Duhet mbajtur mend se “Cityzens” qytetarët paguan klauzolën e largimit prej 60 milionë eurosh dhe bashkë me bonuset operacioni mund të kapë vlerën 100 milionë euro.
Gjiganti suedez konsiderohet blerja më cilësore në Premier League. Për momentin, ky bast i klubit anglez po jep rezultat: ai ka shënuar 10 gola dhe ka dhënë një asistim në gjashtë ndeshje të Premier League-s. Në Champions League, ka shënuar dy gola në një ndeshje. Në total, 12.