Pallati 9 katësh i ndërtuar pa leje në zonën e Liqenit të Thatë në Tiranë, i përket biznesmenit të njohur Julian Morina ose i njohur ndryshe si Lul Morina.
Morina kishte bërë kërkesë për legalizimin e objektit, ndonëse e kishte ngritur pa leje, por kërkesa i ishte refuzuar.
Pallati ndodhet përballë një tjetër biznesi të tij, Hotel Radison Morina. Objekti, i ndërtuar në një zonë tepër të lakmuar në kryeqytet, është ndërtuar i gjithi pa leje, përkatësisht dy kate nën tokë dhe shtatë kate mbi tokë.
Biznesmeni Julian Morina i duhet të paguajë gjobën prej 35.000 lekë për metër katror për objektin e tij, ose do e dhurojë që të përdoren si apartamente për strehim social apo mjedise zyrash për institucionet. Nëse nuk ndodh asnjëra prej tyre, biznesmenit Julian Morina do i konfiskohet pallati i ndërtuar pa leje.
Siç shihet në fotot e mëposhtme, biznesmeni Julian Morina njihet për jetesën e luksit që bën dhe nuk nguron ta ekspozojë në rrjetet sociale.
Siç shihet në fotot e mëposhtme, biznesmeni ka pozuar me një jaht me mbiemrin e tij “Morina”, si edhe makinë Rolls Royce. Ai shfaqet duke ndjekur ndeshje futbolli dhe në stadiumet më të njohura të botës si në Milano apo Londër.
Mësohet se Morina ka qenë dhe donator tek klubi Tirana në vitet 2013, 2014.
