Kryeministri Edi Rama dhe deputetja e Partisë Demokratike, Grida Duma janë përplasur në rrjetet sociale, lidhur me koston e vërtetë të faturës së energjisë, për ata abonentë që do t’i kalojnë 800 kWh orë në muaj, duke nisur nga muaji tetor.
Duma në komentin e saj për paketën e masave të vendosura nga qeveria, sqaroi qytetarët se kostoja do të jetë e madhe, pasi çdo faturë energjie që deri më sot kushtonte 7,600 lekë në muaj, nga muaji i ardhshëm do të katërfishohet.
“Nëse shpenzoni më shumë se 7,600 lekë në muaj energji, fatura shtesë do të jetë 4.4 herë më e lartë! Të gjithë ata që normalisht në dimër shpenzojnë më shumë se 800 kë energji, që i korrespondon një fature prej 7,600 lekësh në muaj, do ta paguajnë energjinë shtesë shumë më shtrenjtë.” Ky është vendimi i qeverisë, e cila pretendon që kjo prek vetëm 3 % të qytetarëve. Duke parë faturën dhe shpenzimin tuaj, mendoni që ju prek ky vendim dhe kjo rritje? Nëse po, komentoni”, shkruhej në postimin e Grida Dumës në Facebook.
Pikërisht ky postim është shpërndarë nga kryeministri Edi Rama në Twitter, me të parin e qeverisë që përpiqet të mbrojë paketën e tij anti-krizë, duke nënvizuar se Duma i ka bërë llogaritë gabim.
Komenti im është ky: 7X7 nuk bëjnë 42 dhe 800kwh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh! pic.twitter.com/8hoKbKHmTM
— Edi Rama (@ediramaal) September 8, 2022
Ndryshe nga deputetja demokrate, Rama thekson se për 800 kWh, familjet shqiptare kanë paguar një faturë që nuk i kalon 9,120 lekë në muaj dhe kjo sipas tij tregon se mbi 90% e popullit është i mbrojtur me fashën e vendosur.
Rama shkon edhe më tej duke ironizuar Dumën, me gafën e ish-kreut të PD Lulzim Basha në Kuvend ku ngatërroi tabelën e shumëzimit duke thënë se 7×7 bëjnë 42.
“Komenti im është ky: 7X7 nuk bëjnë 42 dhe 800këh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kë mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh!”, shkruan Rama.
