Një gabim gjatë transmetimit të ndeshjes Napoli-Liverpool e cila u luajt ditën e djeshme tashmë është bërë virale.
Ky gabim kishte të bënte me grafikat e UEFA-s që tregojnë rezultatin dhe minutat e lojës.
Për disa minuta emri i ekipit të Napolit nga ‘Nap’ u bë ‘Ita’. Gabimi i cili nuk kaloi pa u venë re nga tifozët që po ndiqnin ndeshjen live, të cilët më pas i shfaqen pamjet të mbivendosura.
Siç duket ngjyra blu e fanellës së ekipit të Napolit, krijoi konfuzion në prapaskenat e teknikëve të televizionit të UEFA- s, të cilët ndoshta shkëmbyen blutë napolitantë me ata të kombëtares italiane.
Megjithatë, problemi u zgjidh pas disa minutash: grafika u përditësua saktë në ‘Nap-Liv’, siç ishte planifikuar.
