Zv/kryeministrja Belinda Balluku, ka njoftuar se ditën e nesërme së bashku me kryeministrin Edi Rama do të prezantojnë paketën që do të vihet në zbatim në javët në vijim për kursimin e energjisë.
Në një deklaratë për mediat pas mbledhjes së qeverisë, ajo foli për “masa drastike”.
E pyetur nga gazetarët nëse do të ketë ndërprerje të energjisë elektrike për abonetët pas orës 22:00, ajo tha: “Nuk më rezulton që të ketë masa për ndërpreje të energjisë pas orës 22:00.”
“Pas orës 22:00 kërkohet ndërprerja e ndriçimit publik. Aplikimi i ndriçimit publik, i njësive tregtare dhe gjithçkaje tjetër ndodh nga ora 4 pasdite deri në orën 10 të darkës. E ka nisur Gjermania dhe po e aplikojnë e vendet të tjera, është një paketë për kursimin e energjisë”, shtoi ajo.
“Përsa i përket fashës 800 KW/ orë që do të fillojë nga 1 tetori, do ketë dhe disa të tjera masa drastike. Nesër do të prezantojmë paketën e kursimit të energjisë”, u shpreh Balluku.
