Një konflikt mes dy personave në Bulqizë ka përfunduar në përdorimin e armëve të zjarrit, por pa të lënduar.
Sipas policisë, ngjarja ka ndodhur këtë të Hënë në Njesinë administrative Shupenzë të Bashkisë Bulqizë, në vendin e quajtur Ura e Sebenit.
Dy personat e përfshirë në konflikt, raportohet se kanë pasur konflikte mes tyre edhe më parë, por ende nuk dihet arsyeja e tyre.
“Rrreth orës 11.50, jemi njoftuar se në vendin e quajtur ‘Ura e Serbinit’, Shupenzë, ka ndodhur një konflikt midis shtetasve F. T., dhe A. D., të cilët dyshohet se njëri prej tyre ka qëlluar me armë zjarri. Shërbimet e policisë kanë shkuar menjëherë në vendin e ngjarjes dhe po kontrollojnë zonën për të bërë të mundur kapjen dhe shoqërimin e tyre. Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes“, njoftoi policia.
