Erisa Xhixho ka komentuar së fundmi vendimin e Ramës, për ndërtimin e një instalacioni në mes të Kryeministrisë.
Ky instalacion ka një çmim të çmendur, ku sipas Xhixhos do të harxhohen plot 4 miliardë e 300 milionë lekë për një Eden të vogël në mes të kryeministrisë, ndërkohë që shumica e shqiptarëve po përpiqen të mbijetojnë në ferrin e çmimeve të dyfishuara.
Për hir të së vërtetës ky vendim vjen në një kohë ku vendi po përballet me një krizë të madhe energjetike dhe jetesa është bërë e pa përballueshme.
Postimi i Xhixhos:
Plot 4 miliardë e 300 milionë lekë për një Eden të vogël në mes të kryeministrisë, ndërkohë që shumica e shqiptarëve po përpiqen të mbijetojnë në ferrin e çmimeve të dyfishuara.
“Parajsa” jeshile në zemër të ndërtesës së qeverisë do të financohet me paratë e shqiptarëve, atyre që ministrja e Energjisë dhe, me porosi të saj, e gjithë administrata, u kërkon të fikin dritat e t’i lajnë rrobat me 30 gradë.
Për të përballuar krizën energjetike, kjo qeveri nuk ka para. Nuk ka as për të mbështetur familjet e varfra që maten mirë sa herë shkojnë në dyqan për gjërat jetike.
Por për luksin e vet, kjo qeveri i ka paratë dhe nuk i kursen sepse ato janë paratë e shqiptarëve.
Kopshti 4.3 miliardë euro në zemër të kryeministrisë është një tallje me varfërinë e shqiptarëve, një sfidë përçmuese nga maja e pushtetit. Por më tepër se çdo gjë tjetër, ai është një simbol i arrogancës së një qeverie që nuk e ka marrë pushtetin me votë dhe sot, me mospërfillje, e përdor si të dojë.
