Detaje të reja kanë dalë nga atentati me armë zjarri që ndodhi ndaj 2 policëve në Vlorë, mbrëmjen e së premtes.
Automjeti që lëviznin policët ishte pa targa dhe xhama të zinj.
Në një rrugicë të qytetit të Vlorës ata janë përballur me makinën që i ka qëlluar dhe e kanë parakaluar.
Autorët kanë qëlluar në drejtim të makinës së efektivëve, pasi kanë menduar se mund të ishte një atentat, nisur kjo nga makina pa targa.
Autorët e ngjarjes lëviznin me një mjet “Passat”, i cili është me targa të rregullta dhe pritet verifikimi për t’i identifikuar se kujt i përket.
Efektivët Anxhelo Breshani dhe Narko Mehmetaj po ktheheshin nga palestra, në momentin kur janë sulmuar me armë zjarri.
Sipas të dhënave paraprake, efektivët nuk njihen me personat që i kanë qëlluar.
