Detaje të reja janë zbardhur nga atentati në Shkodër ditën e djeshme ku mbeti i vrarë Ismet Çekorja.
Mësohet se kamerat e sigurisë në lagjen Guerrilë kanë kapur një person me motor i cili ishte i pajisur me skafandër në kokë.
Burime pranë grupit hetimorë në Policinë e Shkodrës bëjnë me dije se vrasësi ka mbërritur me motor pranë vendit të ngjarjes, është ndalur, ka qëlluar ndaj 57-vjeçarit dhe më pas është larguar me shpejtësi.
Për shkak të skafandës, është i pamundur identifikimi i autorit të ngjarjes por blutë e Shkodrës kanë bërë edhe sekuestrimin e kamerave të tjera të sigurisë në segmente të tjera të Shkodrës, për të parë nëse në ndonjë moment autori ka hequr skafandën, ç’ka do të bënte të mundur identifikimin e tij.
Kush është Ismet Çekorja?
Ismet Çekorja është babi i babai Bajram Çekores, në kërkim për atentatin ndaj Alban Bruçit, më 25 gusht. Pak ditë më parë, ai dha një deklaratë për mediat, ku shfajësonte të birin nga akuzat.
Ai tha se një grup banditësh, së bashku me njerëz me pushtet, duan ta mbajnë në burg të birin. Po ashtu, Ismet Çekorja zbuloi se është ka nip Arjan Ferracakun edhe ky i ekzekutuar në Shkodër, në Shtator 2018.
Atentati më 25 gusht
Drejt Alban Bruçit u qëllua me armë zjarri më 25 gusht në Shkodër teksa lëvizte me një makinë tip ‘Audi A3’. Ai arriti që të shpëtojë pa u plagosur.
Ngjarja ndodhi rreth orës 21:00 në lagjen ‘Rus’.
25-vjeçari shkoi vetë në polici dhe bëri një kallëzim për këtë atentat për të cilin policia shpalluri në kërkim Bajram Çekorjan, 24 vjeç dhe Tonato Fushën, 20 vjeç.
Ata akuzohen për veprat penale “Vrasja me paramendim”, mbetur në tentativë, “Mbajtja pa leje e armëve dhe e municionit luftarak”, si dhe “Prishja e qetësisë publike”.
