Këngëtarja e njohur shqiptare, Ronela Hajati, mbush sot plot 33 vite jetë.
Ndonëse këngëtarja nuk ka bërë asnjë postim që lidhet me këtë ditë të rëndësishme për të, ajo ndau një ditë më parë disa fotografi ku shkruante: “Gëzuar muajin! Gëzuar muajin e ditëlindjes. Mundohem gjithmonë të jem sa më pozitive në këtë periudhë sepse për mua është fillimi i një viti të ri”.
View this post on Instagram
Kujtojmë që Ronela ka qenë mjaft e përfolur kohët e fundit për pjesëmarrjen në Eurovision. Këngëtarja, e cila nuk arriti të kualifikohej në finale, u përball me kritika për shkak të performancës. Megjithatë, shumë të tjerë, e vlerësuan për energjinë që tregoi në skenën e festivalit evropian.
