Me afrimin e sulmuesit brazilian, Gabriel Barbosa Avelino, Kukësi e çon në 22 listën e lojtarëve të rinj në skuadër, duke llogaritur edhe tre futbollistët afrikanë, që për momentin do të jenë pjesë e 21- vjeçarëve (Shamsuden Sani, Sodik Olamilekan Oseni, Daniel Momoh). Këta të fundit do të monitorohen nga afër nga stafi i ekipit të parë.
Thuajse një revolucion total dhe ajo që bie në sy janë kontratat e firmosura, ku pjesa më e madhe i kanë mbi 2-vjeçare, çka nënkupton se në klub kanë nisur një projekt afatgjatë dhe që shkon përtej këtij sezoni. Natyrisht, një pjesë e 22 lojtarëve, për të mos kaluar numrin limit 25 për ekipin e parë, janë federuar për llogari të Kukësit U-21.
