Kryetari i Partisë së Lirisë, Ilir Meta, përmes një postimi në rrjetin e tij social fb, e ka quajtur kryeministrin Edi Rama armik kryesor të lirisë së çdo qytetari shqiptar dhe i pavarësisë së medias.
Teksa shton se Rama është armik i votës së lirë, pluralizmit e demokracisë, Meta thekson se kreu i qeverisë fundin e humnerës e ka zgjedhur vetë dhe për të nuk ka rrugë shpëtimi.
Postimi:
“Edi Rama është armiku kryesor i lirisë së çdo qytetari shqiptar. Është armik i votës së lirë, pluralizmit, demokracisë, shtetit ligjor dhe i barazisë para ligjit. Është armik i fjalës së lirë dhe i pavarësisë së medias. Për të nuk ka rrugë shpëtimi! Fundin e humnerës e ka zgjedhur vetë!”-shkruan Meta.
