Për Taulant Ballën, është qesharake sesi Ilir Meta kallëzon anëtarët e Autoritetit të Dosjeve që vijnë nga familje të persekutuara prej regjimit komunist.
Kreu i grupit parlamentar të PS-së, i bëri thirrje prokurorisë “të mos bëhet rëra ku Ilir Meta të fshehë kokën si struci në pafundësi, po të respektojë ligjin, institucionet dhe të drejtat e detyrat e drejtuesve të tyre”.
Ai shprehu mbështetjen ndaj anëtarëve dhe kryetares së Autoritetit të Dosjeve, Genta Sula.
“Ndërsa Ilir Meta që s’po le gjë pa bërë, pse dreqin s’po e bën gjënë më të thjeshtë në botë: Kërkesën për hapjen e dosjes së tij! Apo është peng i spiunit I.M?” shkroi Balla në faqen e tij zyrtare në FB.
