Qytetarë të shumtë janë mbledhur sot në sheshin ‘Nënë Tereza’ në Tiranë, pas ngjarjes tronditëse ku 11 vjeçarja në Kosovë u përdhunua nga 5 persona.
Protestës iu bashkuan edhe fëmijë.
Pas Prishtinës, është mbajtur sot (31 gusht) edhe në Tiranë protesta kundër dhunës seksuale ndaj vajzave dhe grave. Protesta nisi në orën 18:30 në sheshin “Nënë Tereza’’.Ngjarja makabër ku një e mitur u përdhunua nga 5 persona ka bërë bashkë në shesh shumë qytetarë, mes tyre edhe personazhe të njohur.
Në protestën, e paralajmëruar fillimisht në rrjetet sociale nga shumë artistë dhe personazhe të njohur, ishin të pranishëm Monika Lubonja, Filloreta Raçi (Fifi), Fjoralba Ponari, Beatrix Ramosaj, Bora Zemani, ish-konkurrentet e Për’puthen Efi dhe Mikela, Anaid Kaloti, Zhaklinn Lekatari, Kledi Hysa, Jonida Shehu.
Duket se të parat që kanë mbërritur kanë qenë dy ish-banoret e BBV, Fifi dghe Monika Lubonja. Përmes disa postimeve në rrjetet sociale, dyshja bënë të ditur se ndodheshin në shesh rreth orës 17:40, duke pritur nisjen e protestës.
Iniciatorja e këtij marshimi ishte Filloreta Raçi-Fifi, së cilës iu bashkuan qindra qytetarë. Në fjalën e mbajtur në nisje të protestës, Fifi tha: “Nuk kam dalë si Fifi por si vajzë, si grua. Iu bëj thirrje të gjithë prindërve, shkollave institucioneve të kenë kujdes.”
