Fakulteti i Ekonomisë ka publikuar sot listat e maturantëve fitues që do të mund të vazhdojnë studimet në 4 degë të ndryshme në këtë fakultet.
Në njoftimin e publikuar, Fakulteti i Ekonomisë sqaron se “deri tek vija e kuqe janë fituesit e fazës së parë të raundit të parë, sipas çdo dege”.
Ndërsa në datën 2 shtator fillojnë regjistrimet e kandidatëve fitues, pranë Fakultetit të Ekonomisë, sipas njoftimeve që do të publikohen në vijim.
“Nëse ndonjë prej jush ka ankimim për rezultatin e shpallur, kërkesa mund të dorëzohet pranë Sekretarisë Mësimore, FEUT, në datën 1 shtator. Përgjigja do të merret brenda 24 orëve”, sqarohet një njoftim.
Gjithashtu, Fakulteti Ekonomik sqaron maturantët që ”ata që ndodheni poshtë vijës së kuqe, edhe sikur të gjithë kandidatët fitues në listat paraprake të shpallura, të regjistrohen në FE, mbeten ende 307 kuota të lira, për shkak se i njëjti kandidat është shpallur fitues njëkohësisht në disa degë sipas sistemit të aplikimit”.
“Përveç kësaj, shumë kandidatë janë shpallur fitues edhe në fakultete të tjera”, nënvizohet në njoftim.
