Qeveria ka vendosur të shtyjë me 6 muaj afatin e qëndrimit të shtetasve afganë të cilët janë strehuar në Shqipëri, që pas marrjes së pushtetit nga talebanët në Afganistan.
Vendimi është marrë këtë të Enjte gjatë mbledhjes së Këshillit të Ministrave teksa hyn në fuqi menjëherë.
Pas shpalljes së vendimit për ardhjen e afganëve në vend, kryeministri Edi Rama sqaroi se qëndrimi në Shqipëri do të jetë i përkohshëm deri në vendosjen e tyre në SHBA, por paralajmëroi se procesi i pajisjes me vizë amerikane mund të zgjasë.
Po ashtu, ai është shprehur se refugjatët afganë mund të qëndrojnë në Shqipëri për aq kohë sa ata dëshirojnë.
