Merkatoja vazhdon dhe Partizani po punon për të gjetur sa më shumë alternativa, në mënyrë që çdo pozicion i skuadrës të jetë i dubluar dhe të krijohet konkurrencë.
Sipas “Panorama Sport” në stërvitjen e “demave” është shfaqur një emër i njohur për Superioren, Arlind Kalaja.
Ish-sulmuesi i Vllaznisë, Kukësit, Kastriotit e Teutës në vendin tonë është bërë pjesë e të kuqve, teksa nga ana e klubit nuk ka asnjë njoftim zyrtar në lidhje me këtë lëvizje, çka është sinjal se lojtari ende nuk mund të ketë firmosur kontratën e re.
Gjithsesi, 26-vjeçari pritet të jetë pjesë e të kuqve në sezonin e ri si një opsion më shumë për sulmin. Ardhja e tij zëvendëson largimin e Erjon Dragojt.
Sulmuesi i majtë vjen te Partizani pas një aventure disamujore në kategorinë e tretë suedeze me ekipin e Ljungskile.
