Një vrajse ka ndodhur rret orës 03.00 në fshatin Sheqet, Vau i Dejës. Një 37-vjeçar, sipas policisë, pas një konflikti për motive të dobëta, ka vrarë me armë zjarri një 51-vjeçar.
Fillimisht grindja mes viktimës dhe autorit ka ndodhur në lokalin e fshatit. Sipas dëshmive të para, autori ka vajtur në shtëpi dhe ka marrë një armë tip kallashnikov duke qëlluar për vdekje shtetasin Agron Metushi.
Autori i kësaj ngjarje, sipas policisë është Alfons Palushani, i cili pas ngjarjes është larguar në drejtim të paditur. Policia thotë se punon përr arrestimin e tij.
“Më datë 23.08.2022, rreth orës 03:00, në fshatin Shelqet, Vau i Dejës, pas një konflikti për motive të dobëta, dyshohet se shtetasi A.P., 37 vjeç, banues në fshatin Stajkë, Vau i Dejës, ka vrarë me armë zjarri shtetasin A. M., 51 vjeç, banues në Shkodër. Nga veprimet e shpejta dhe hetimet paraprake të kryera nga Policia, dyshohet se konflikti për motive të dobëta ka nisur në lokalin e fshatit dhe menjëherë shtetasi A.P., ka shkuar në banesë ka marrë armën e zjarrit kallashnikov dhe në momentin që shtetasi A.M. ka hipur në automjetin e tij për tu larguar shtetasi A.P. e ka qëlluar me armë zjarri. Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje. Shërbimet e Policisë janë vënë në ndjekje të autorit dhe vijon kontrolli i zonës për kapjen e tij“, njoftoi policia.
