Një hetim i nisur kryesisht nga Prokuroria e Tiranës ka zbuluar një rrjet trafikimi të lëndës narkotike nëpërmjet postës nga Londra në Shqipëri. Dy persona janë arrestuar si pasi dyshohet se kanë porositur sasi kanabisi që mbërriti nëpërmjet pakove. Por më tej u ngritën dyshimet se trafikantët po testojnë llojin e ri të lëndës narkotike që ka efekte si të heroinës.
Trafikantët shqiptarë në Londër po quajnë si treg te ezaruar Anglinë për drogën e kultivuar në shtëpitë e barit dhe po testojnë territorin shqiptar, por dhe te vendeve të tjera të Ballkanit dhe Europës për ta prodhuar dhe shpërndarë lëndën narkotike.
Kanabisi i kultivuar në banesat e Anglisë po futet ne vendin tonë në sasi të vogla, duke përdor edhe postën, dhe kjo për të testuar te konsumatorët cilësinë, e cila sipas eksperteve është e afërt me efektet që jep heroina.
Skema duket se është zbuluar nga një informacion i marrë në rrugë operative, çka ka bërë që Prokuroria e Tiranës, të nisë hetimet kryesisht në lidhje me një rast trafikimi ku u prangosën dy porositësit D.Shehu dhe M. Vata, 18-vjeçarë.
Operacioni i Policisë u drejtua nga prokurori Bledar Valikaj ku rezultoi se lënda narkotike ishte nisur prej Anglisë me postë fillimisht drejt Tiranës, e më pas në dërgesën fundore në Durrës.
Droga e ndarë në dy pako dje, me pesë qese me peshë 340 gramë u sekuestrua kur një nga të rinjtë po udhëtonte me taksi.
Por ajo çka rezultoi më tej ishte edhe zbardhja e skemës ku po kërkohet që kanabisi i prodhuar në shtëpitë e Londrës të gjejë bazë edhe në vendin tonë.
Tashmë mësohet se në bashkëpunim me autoritetet angleze po punohet për ndalimin e trafikantëve për të parandaluar kështu futjen e një tjetër lloji të kanabisit në Shqipëri.
