Nga Vlora, ku zhvilloi një takim me strukturat e Partisë së Lirisë, Ilir Meta, tha se referendumi është dallimi më i madh mes kësaj partie dhe çdo force tjetër politike.
Meta tha se paratë që hidhen kalojnë në xhepat e qeveritarëve dhe njerëzve të lidhur me ta, pasi nuk ekziston asnjë lloj kontrolli.
“Nuk janë fasadat ato që tregojnë gjendjen reale, pasi shikoni gjendjen e rrugëve të brendshme, ose të gjendjes ekonomike në vend.
Ne nuk jemi oportunistë, ne s´jemi njësoj dhe duhet ta tregojmë që tani.
Ndaj ju kërkoj investigoni dhe denonconi çdo aferë. Referendumet janë ato që do të përcaktojnë të ardhmen, shikoni se çfarë bëhet në Zvicër dhe pse ky shtet është aty ku është”, tha Meta, duke shtuar se çdo koalicion zgjedhor nuk do të përcaktohet sa bashki do marrim ne apo një tjetër, por si nga qëndrimi mbi çështjen e referendumeve.
