Kreu demokrat, Sali Berisha, u shpreh pasditen e sotme se vjedhjet s’kanë të ndalur, ndërsa Veliaj i ndërton shkollat me 2.2 mln € në një kohë që BE i ndërton me 620 mijë €.
“Çfarë ndodh në Tiranë? Kemi ndërtuar shkollat më të mira me BB me 1.2 milionë euro në Kamëz, Krumë e disa vende, shkolla profesionale dhe të mesme.
Sot, BE ndërton në Shqipëri shkolla me 620 mijë euro. Në një kohë kur kreu hajdut i bashkisë së Tiranë ndërton shkolla me 2.2 milionë euro.
BE nuk ja dha fondin e ndërtimit të shkollave qeverisë shqiptare, por ngarkoi organizatën e OKB, PNUD, për zhvillim për të mbikëqyrur ndërtimin e shkollave në Shqipëri.
Me paratë e taksapaguesve europianë ndërton 620 mijë euro shkollën kurse Erion Veliaj për të vjedhur me partinë e tij ndërton me 2.2 milionë euro një shkollë. Prandaj Tirana s’ka ngrohje në shkolla dhe tre turne. Mora shkollat, por ka dhe vjedhje të tjera më të mëdha”, tha ai.
