Presidenti Bajram Begaj do e zhvillojë vizitën e parë zyrtare jashtë vendit në Kosovë, atje ku është ftuar nga Presidentj Vjosa Osmani.
Vizita e cila do të zhvillohet të hënën, nis me një ceremoni shtetërore pritjeje në sheshin “Ibrahim Rugova” në Prishtinë, e cila do të mbahet në orën 10:00.
Pas ceremonisë së pritjes, Presidentja Osmani zhvillon takim me presidentin e Begaj, si dhe në fund të takimit do të kenë deklaratë të përbashkët për media.
Gjithashtu, Begaj do të pritet edhe nga kryetari i Parlamentit të Kosovës, Glauk Konjufca, si dhe do të takohet në Prishtinë me eksponentë të politikës atje.
Begaj e mori zyrtarisht detyrën e Preesidentit më 24 korrik 2022 dhe deri më sot ka preferuar të mbajë një profil të ulët publik, duke mos reaguar publikisht, për asnjë prej zhvillimeve, përfshi edhe ngjarjen tragjike të ndodhur në Potam të Himarës, ku një 7 vjeçare u vra në bregun e detit nga një skaf që drejtohej nga komisari i policisë, Arjan Tase.
Në fjalimin e mbajtur në ceremoninë, pas betimit si President, Begaj ka shmangur totalisht Kosovën, gjithsesi në ditët e para të gushtit ai ka pasur një bisedë telefinike me Vjosa Osmanin, pas tensioneve të krijuara në veri të Kosovës.
