PSG ka zhvilluar një tjetër super-ndeshje në Ligue 1, duke mposhtur në javën e dytë ekipin e Montpellier me rezultatin 5-2.
Ekipi i Galtier zhvilloi një ndeshje spektakolare duke mos i vënë në dyshim për asnjë moment tre pikët.
Sfida nis mirë për vendasit, por në minutën e 23-të Kylian Mbappe shpërdoron një 11-metërsh për PSG. Megjithatë, vetëm pak minuta më pas parizienët kalojnë në avantazh falë një autogoli të Sacko.
Neymar shënon golin e dytë të takimit duke i çuar ekipet në dhomat e zhveshjes në avantazhin e dy golave të PSG. Në pjesën e dytë, është sërish braziliani që shënon duke i çuar shifrat në 3-0.
Goli i katërt vjen nga këmbët e Kylian Mbappe, ndërsa blerja e re Renato Sanchez vulosi pesë golat e PSG. Sakaq për Montpellier realizoi Khazri dhe Tchato.
