50.000 dollarë janë grumbulluar deri më tani përmes donacioneve në Gofundme deri ditën e sotme pas kërkesës së dy motrave të Florind Belliut që duan të marrin kujdestarinë e fëmijëve.
Shuma totale që ato kërkuan nga publiku është 50 mijë dollarë, ndërsa me njoftimin që u hap vetëm disa orë më parë, duket se janë në rrugë të mirë dhe e kanë arritur shifrën.
Çifti Ornela Shehi dhe Florind Belliu lanë pas dy djem të mitur (6 e 2 vjeç), Schwibe dhe Rayan. Hallat kërkojnë kujdestarinë e fëmijëve në kohën kur ende nuk është bërë e qartë mënyra se si ata të dy përfunduan të hedhur nga ballkoni i katit të gjashtë.
Kujtojmë se ngjarja ndodhi më 7 gusht në New York, ku çifti u gjet i vdekur poshtë ballkonit në oborrin e shtëpisë ku banonin në New York.
