Erion Veliaj, kryebashkiak i Tiranës, ka përdorur ngjarjen e plagosjes së një punonjësi të IMT për të sulmuar ish-Presidentin Ilir Meta, sot drejtues i Partisë së Lirisë.
Veliaj madje e konsideron të lojtur, që nuk do të mund të ndalë dot zhvillimin e kryeqytetit.
Kjo nuk është hera e parë që Kryebashkiaku Veliaj përdor situata të tilla për të sulmuar kundërshtarë politikë, që herë i konsideron të lojtur dhe herë rrugaçë.
Reagimi ka ardhur pas ngjarjes së rëndë të ndodhur në Tiranë, ku shtetasi Qani Muças, plagosi me armë zjarri punonjësin e IMT-së, Ilirjan Gavelli, pas zbatimit të një vendimi në rrugën “Todi Shkurti”.
Në postimin e tij Veliaj i uron shërim të shpejtë Ilirjanit, ndërsa thekson se as presidentët e lojtur, duke iu referuar Ilir Metës, dhe as rrugaçët famëkeqë nuk do e ndalin zhvillimin e kryeqytetit.
Postimi i Veliajt:
Sherim te shpejte Ilirianit tone te IMT pas plagosjes ne krye te detyres per infrastrukturen nga nje person me precedent penal, tashme ne pranga!
I kerkoj organeve te drejtesise rreptesi maksimale per kriminelin qe ngre dore per shkak te detyres ndaj punonjesve te shtetit!
Prej 7 vitesh Bashkia e Tiranes nuk eshte terhequr nga ASNJE projekt publik – as nga presidentet e lojtur, as nga rrugacet me famekeq te vendit! Ta harrojne se e ndalin dot zhvillimin e qytetit si kriminelet ordinere ashtu dhe ordineret e politikes qe frymezojne dhunen!
Jam me i bindur se kurre se shumica morale dhe e ndershme e qytetit – qe as zapton e as dhunon – e do progresin dhe refuzon t’i nenshtrohet dhunes se rruges e asaj politike! Ndaj dhe jam me i vendosur se kurre t’i coj gjer ne fund punet per nje Tirane qe nuk ndalet! #BASHKE
