Kryetari i PD, Sali Berisha, gjatë konferencës së sotme me gazetarët, u ndal tek mega-afera e inceneratorëve.
Berisha ka ‘sulmuar’ SPAK-un pasi sipas tij i di veprat e krimit të kryeministrit dhe kryebashkiakut të Tiranës dhe për herë të parë nuk vepron.
Berisha tha se janë vjedhur milionat dhe po kryhen aferat më të mëdha korruptive ndonjëherë ndërsa SPAK nuk konfiskon asgjë dhe kthehet në bashkëautore.
“Dosja më e vërtetuar gjer më sot është dosja e inceneratorëve. Ka dosje të tjera plot. Por te dosja e inceneratorëve, Edi Rama, që thotë se firmosja fap e fap, është përgjegjës kryesor.
Çfarë ndodh sot?
Zimbabve ka pasur të njëjtën skemë dhe të njëjtët personazhe, me Gugalen me Zoton, e ka anuluar dhe ka konfiskuar çdo gjë.
Për herë të parë, prokuroria nuk guxon dhe bën sikur po heton. Shkel ligjin e antimafias, shkel të gjitha ligjet dhe nuk guxon të konfiskojë veprën e krimit, përkundrazi vazhdon të dimbursojë para në veprën e krimit.
Sepse ajo vepër e krimit është e krimit të Edi Ramës dhe Erion Veliajt dhe prandaj SPAK nuk e bën këtë gjë.
Kur SPAK nuk e bën këtë, do e bëjnë qytetarët dhe ata do dalin të fituar nga kjo betejë,” tha Berisha.
