Ish-Presidenti Ilir Meta, drejtues i Partisë së Lirisë, dhe kryebashkiaku i Tiranës, Erion Veliaj, u përfshinë sot në debate në distancë. Përplasja nisi nisi me një postim të ish presidentit në rrjetin social ku bëhej një krahasim mes Tiranës në vitin 1981 me atë në vitin 2021.
Në reagimin e tij, Kryebashkiaku Veliaj thotë se fotoja e publikuar nga Meta nuk ka asnjë lidhje me Tiranën e vitit 2021 sepse aplikacioni i “il Meteo” e nxjerr ajrin e Tiranës sot shumë më të pastër.
“Të kesh nostalgji për Tiranën, kur ishte qyteti i fuksave të sigurimit, është e drejta jote. Por siç të mirëpriti ty, ka mirëpritur dhe 1 milionë të tjerë! p.s. Foto e Tiranës 1999 kur ishe KM me Sharrën tym e flakë e gëlqeret e Krujës si vello. S’ke asnjë ndërtesë 2021 në foto!”, shkruan Veliaj.
Por ‘përplasja’ vijoi edhe më tej, kur Meta në konferencën për mediat e cilësoi Veliajn si ‘qen të pa vaksinuar’ të Tiranës.
“Tirana është prioritet për mua se ndej detyrime për këtë tragjedi që i ka ndodh qytetit tonë… Vërtetë humbëm 10 vjet por ndëshkimi do jetë i tillë që për 100 vite askush s’mund të luaj me interesin publik”.
Se ca nxjerr ndonjë nga këto qentë e Tiranës që janë të pavaksinuar, të jetë gati nëse do ekzistojë sërish Autoriteti i Manipulimit të Dosjeve që të fillojë punë zëdhënës atje se Tirana mezi po pret ta hedhë te Lana tiraninë”, tha Meta.
