Zëvendësministrja e Mjedisit dhe Turizmit, Ornela Çuçi është shkarkuar nga detyra.
Vendimi është marrë nga Këshilli i Ministrave. Çuçi e mbante këtë post që prej vitit 2017.
“Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim.
Vendimi vjen në një kohë kur Edi Rama po përballet me kërkesën e qytetarëve, të mbështetur edhe nga opozita, për largimin e Mirela Kumbaros dhe Bledi Çuçit nga postet qeveritare pas tragjedisë së ndodhur në Potam, ku një vajzë 7-vjeçare humbi jetën në bregun e detit pasi u godit nga një skaf që drejtohej nga komisari i Policisë, Arjan Tase.
