Një vrasje me thikë ndodhi mbrëmjen e së hënës në Maliq, ku një 60 vjeçar humbi jetën në spital, për shkak të plagëve që kishte marrë.
Sipas informacioneve paraprake, viktima është identifikuar si Nesti Sotiri. Ai është dërguar me urgjencë në spital, por nuk ka mundur të mbijetojë për shkak të plagëve të marra.
Autori i këtij krimi është Velo Azizllari.
Dyshohet që vrasja të këtë ndodhur për motive të dobëta. Viktima dhe autori janë fqinj. Mësohet se mes tyre ka pasur konflikte të vjetra, të cilat duket se kanë precipituar mbrëmjen e sotme, deri në përdorimin e armëve të ftohta.
Autori gjithashtu ka marrë plagë dhe ndodhet në spitalin e Korçës ku është arrestuar nga policia.
