Një aksident i rëndë ka ndodhur këtë paradite në aksin rrugor Lezhë-Shkodër.
Për pasojë, shtatë persona janë plagosur, të cilët janë dërguar për kurim në Spitalin Rajonal të Lezhës. Nga të plagosurit, pesë janë në gjendje kritike për jetën.
11:30 – Detaje të reja kanë dalë në dritë nga aksidenti i ndodhur në aksin rrugor që lidh Lezhën me Shkodrën.
Si pasojë e aksidentit, shtatë persona janë plagosur. Pesë prej tyre janë në gjendje të rëndë për jetën. Të gjithë të plagosurit janë dërguar në Spitalin Rajonal të Lezhës.
Shkak për aksidentin mendohet të jetë bërë një parakalim i gabuar. Në përplasje janë përfshirë automjetet tip “Mistsubishi” dhe “Audi”.
Për pasojë, autostrada është bllokuar në të dyja anët dhe qarkullimi i mjeteve është devijuar për në aksin e vjetër Kallmet-Dajç.
11:04: Përplasen dy makina në Lezhë-Shkodër, një fëmijë në gjendje të rëndë
Një aksident i rëndë ka ndodhur paraditen e sotme në aksin rrugor Lezhë-Shkodër ku si pasojë e përplasjes së dy makinave kanë mbetur të plagosur 7 persona.
Bëhet me dije se 4 persona janë dërguar në spital në gjendje kritike, e mes tyre dhe një fëmijë. Të plagosurit po marrin trajtimin mjekësor në spitalin e Lezhës.
Policia dhe grupi hetimor janë duke shkuar në vendngjarje.