Në Britaninë e Madhe ndërkohë që po zhvillohet gara për kreun e ri të konservatorëve dhe njëkohësish edhe kryeministrin e ri të Britanisë, një skandal është zbuluar në lidhje me kandidatin Rishi Sunak.
Si formë e kryerjes së fushatës së tij duket se Sunak ka zgjedhur një formë të mirë organizuar deri në detaje.
Mediat raportojnë se personave që janë mbështetës të kandidaturës së tij, i ka vajtur një mesazh i gatshëm ku kërkohej të plotësohej emri, vendbanimi dhe arsyeja se përse e mbështesnin zotin Sunak.
Gjithashtu mbështetësit kishin disa alternativa në lidhje me arsyen e mbështetjes, që përfshinte faktin që Sunak është i vetmi që mund të rindërtojë ekonominë, ka një plan për të mposhtur inflacionin dhe të mundë në zgjedhje laburistët.
“Emri im është… dhe jam nga… Arsyeja e se përse mbështes Rishi Sunak është sepse …(shkruani një arsye), ose
Alternativat e mundshme:
-Ai është i vetmi kandidat që do të rindërtojë ekonominë tonë në mënyrë që të ulen taksat.
– Është i vetmi kandidat që mund të mundë laburistët në zgjedhjet e përgjithshme
-Ai mund të mbrojë Brexit dhe do të dëgjojë zërin e qytetarëve
– Ai ka një plan për të mposhtur inflacionin”, shkruhet në mesazhin që ju dërgohet mbështetësve.
