Kryetari i Partisë së Lirisë Ilir Meta në konferencë për mediat deklaroi se Rilindja ka vjedhur bashkitë e vendit.
Meta theksoi se Rilindja ka shkatërruar demokracinë, sepse në bashki nuk ka as këshilltarë opozitarë, ndërsa denoncoi se ujësjellësi është tjetër piramidë shtetërore.
“Këta kanë shkalluar çdo parim kushtetues dhe jeni njohur me situatën dramatike që ka dalë për situatën financiare të bashkive që prej 3.5 vite qeverisen nga një parti e vetme. Nuk gjen një vend as në Afrikë që mos ketë një këshilltar opozitar, vetëm në Shqipëri ka ndodhur.
Këta kanë fryrë administratat për të blerë votat, kanë kryer vjedhje pa fund, sepse nuk ka pasur kush i denconon dhe kanë shkatërruar financat e bashkive. Këta po shtrojnë administratën , patronazhistët, bëjnë gjithçka për të blerë votat. Tani shpikin administratorët, që janë të emëruar të partisë.
Reforma administrative gjoja ishte për të shkurtuar administratën, ndodhi e kundërta, tani është situata katastrofike. Është rritur numri i administratës me ca ishte dhe ca është bërë është vjedhur. Kjo është hiprokrizi e madhe dhe gjendje e rëndë e menaxhimit të bashkive. Më pas ujësjellësat janë një piramidë tjetër, aty është një një situatë e ngjashme me këtë të inceneratorëve”, tha Meta.
