Ambasadorja e Bashkimit Europian, Christiane Hohmann, e cila nisi misionin e saj në Shqipëri këtë javë, ka shpërndarë një mesazh, ku shprehet se pret të punojë me institucionet shqiptare për të bërë vendin tonë pjesë të Bashkimit Europian.
Ajo tha se hapja e negociatave ofron mundësi të mëdha për konsolidimin e progresit të arritur dhe thellimin e transformimit të Shqipërisë.
“Hapja e negociatave na sjell më pranë dhe na bën më të fortë. Ajo ofron mundësi të mëdha për konsolidimin e progresit të arritur dhe thellimin e transformimit të vendit tuaj.
Pres me padurim të punoj me të gjithë ju, institucionet shqiptare, forcat politike, shoqërinë civile, qytetarët, për ta bërë Shqipërinë anëtare të BE-së”, u shpreh ajo.
#EU Ambassador 🇪🇺 Christiane Hohmann started her mission to #Albania 🇦🇱 this week. “The opening of accession talks brings us closer and makes us stronger”, Ambassador Hohmann said.
Watch the full message 👇 pic.twitter.com/KHcW3aYmQr
— EU in Albania (@EUinAlbania) August 5, 2022
