Prokuroria e Vlorës ka kundërshtuar qëndrimin dhe referimin e Policisë së Vlorës, që e dorëzoi komisarin Arjan Tase, për akuzën e vrasjes nga pakujdesia.
Prokurorja Eranda Laze dorëzoi në gjykatë ish shefin e policisë Arjan Tase për akuzën e vrasjes me dashje të 7-vjeçares Jonada Avdiu, ndërsa kërkoi masën e “arrestit me burg”.
Prokuroria e rëndon gjendjen e ish-shefit të Elbasanit, duke ju referuar provave që u mblodhën në vendngjarje.
“Nuk ka vrasje nga pakujdesia, por vrasje me dashje, mbasi drejtuesi i mjetit lundrues që rezulton se kishte patentë ishte në dijeni të rrezikut që i sillte qytetarëve, kur hyri në atë perimetër”,- thonë burimet.
Përpara se Jonada të dëmtohej dhe të ndodhte ngjarja shtohet më tej, qytetarët që janë dëshmitarë në fashikull i kërkuan llogari policit dhe ai duke manovruar me shpejtësi u përpoq të largohej. /TCH/
