Një 42-vjeçar shqiptar dhe një 27-vjeçar italian u arrestuan nga karabinierët pasi dyshohet se grabitën me dhunë një student 24-vjeçar.
Nga raportimet mësohet se shqiptari, i cili mbante dy thika, dhe italiani i armatosur me një shkop golfi, kanë kërcënuar një student, i cili i tmerruar ka hedhur në tokë portofolin ku kishte 200 euro dhe çantën me sendet personale.
Studenti më pas ka denoncuar në polici grabitjen, ndërsa autorët e dyshuar janë arrestuar.
Gjatë kontrollit, karabinierët gjetën sendet e vjedhura, dy thikat, shkopin e golfit, 2 fishekë, materiale të ndryshme që përdoreshin për vjedhje, dokumente dhe karta krediti në emër të personave të ndryshëm një palë këpucë dhe 3 gërshërë flokësh elektrike.
