Kryeministri Edi Rama në një postim në rrjetet sociale shkruan se ky është sezoni turistik më i organizuar. Ky qëndrim i Ramës pas ngjarjes tragjike që ndodhi në Potam të Himarës, ku një 7 vjeçare u godit për vdekje, ndërsa ndodhej në bregun e detir, nga një skaf që drejtohej nga një komisar policie, shkaktoi reagime të forta. Ish-zv.ministrja e Financave në qeverinë Rama, Irena Beqiraj, duke ironizuar Kryeministrin shkruan se kështu duket sezoni nga vilat qeveritare në Dhërmi.
Duke iu drejtuar Ramës ajo shkruan se e ke të pamundur të shohësh realitetin, pasi për fat të keq je i sunduar nga pushteti.
“Të gjithë jemi gabim, ajo që të vdekëshmit e tjerë mendojnë duhet të mbikëqyret monitorohet, menaxhohet, rregullohet, pse jo edhe të censurohet.
Pushteti të bën të ndihesh superior. Ti mund të gjykosh, por padyshim çdo gjykim mbi ty është i gënjeshtërt, i padenjë, është një paragjykim i bazuar tek padituria, negativiteti, apo keqdashja .
Të gjithë të shajnë, e mua më vjen keq. I skllaveruar nga pushteti, e ke humbur përfundimisht lirinë, bashkë me të edhe shansin që të besh nje ndarje të denjë si burrë shteti nga pushteti .
Kushdo që të urren do të uronte të rrije sa më gjate nën pushtetin e pushtetit tënd!”, shkruan ajo.
Postimi nga Irena Beqiraj
Nga vila qeveritare në Dhërmi kështu duket !
Padyshim që kështu është ! Nga vila qeveritare në Dhërmi kështu duket ! Edhe ky nuk është faji yt ! Ti e ke të pamundur ta shohësh realitetin . Për fatin tënd të keq, ti je i sunduar nga pushteti.
Pushteti është “një substancë” që jo vetëm krijon varësi, por shkakton efektet anësore të supermacisë edhe mungesës së ndjeshmërisë. Pushteti transformon, duke dëmtuar racionalitetin e të menduarit. Jo sipas meje , por sipas neurologëve . Studimet tregojnë se individët me pushtet sipas tyre “pasqyrojnë” shumë më pak. Kjo i bën edhe më cinik.
Të gjithë jemi gabim, ajo që të vdekëshmit e tjerë mendojnë duhet të mbikëqyret monitorohet, menaxhohet, rregullohet, pse jo edhe të censurohet.
Pushteti të bën të ndihesh superior. Ti mund të gjykosh, por padyshim çdo gjykim mbi ty është i gënjeshtërt, i padenjë, është një paragjykim i bazuar tek padituria, negativiteti, apo keqdashja .
Të gjithë të shajnë, e mua më vjen keq. I skllaveruar nga pushteti, e ke humbur përfundimisht lirinë, bashkë me të edhe shansin që të besh nje ndarje të denjë si burrë shteti nga pushteti .
Kushdo që të urren do të uronte të rrije sa më gjate nën pushtetin e pushtetit tënd !
PS. Të ftoj një ditë për drekë në Lalz , jo për qëllime të errëta politike e as për ngjala kualicionesh strategjike , por miqësisht për të të treguar se situata që paraqet në postimin tënd ekziston vetëm në realitetin imagjinar që ju raportojnë vartësit tuaj !
