Trajneri i Barcelona-s, Xavi, ka folur për blerjen e re Raphinha, i cili ka zbarkuar në Camp Nou pak javë më parë nga skuadra angleze e Leeds-it.
Sulmuesi brazilian i krahut, kërkuar për një kohë të gjatë edhe nga Chelsea, në fund ka vendosur të veshë fanellën e gjigantëve të Spanjës.
Pikërisht me fanellën e Barcelona-s ka debutuar në fazën përgatitore duke realizuar dy gola në katër ndeshje miqësore të luajtur me ekipin e ri.
Jo vetëm, një nga këta dy gola ka vendosur Clasico-n e luajtur në Las Vegas kundër rivalëve të Real Madrid, duke u prezantuar në mënyrën më të mirë para tifozëve katalanas.
Për brazilianin ka folur trajneri Xavi në një intervistë të dhënë për kanalin zyrtar të klubit: “Është një blerje spektakolare për Barçën, jo vetëm për këtë sezon, por edhe për vitet e ardhshëm.
“Është një lojtar që punon për skuadrën, jep krosime shumë të mia dhe është i aftë para portës. Di të shënojë, është i aftë dhe në goditjet standarde dhe mbi të gjitha ka uri… janë sinjale të mrekullueshme”, ka thënë trajneri spanjoll.
