Ish-Presidenti Ilir Meta, aktualisht drejtues i Partisë së Lirisë, përmes rrjeteve sociale i ka bërë thirrje Qeverisë që të ndalë financimet për inceneratorët, dhe të shtojë buxhetin për mbrojtjen nga zjarret.
“Flakët po shkrumbojnë sonte Malësinë e Tiranës. Pavarësisht zjarreve të shpeshta, asnjë masë për parandalimin e tyre dhe mbrojtjen nga shkatërrimi të pasurive publike natyrore, që digjen për shkak të papërgjegjshmërisë dhe indiferencës shtetërore.
Shtoni buxhetin për mbrojtjen nga zjarret, boll financuat inceneratorët!
I gjithë shteti duhet të ngrihet në këmbë”, shkruan Meta.
