Bordi i Transparencës ka publikuar çmimet e shitjes së karburanteve në tregun shqiptar duke filluar nga pasditja e sotme.
Referuar vendimit të Bordit, 1 litër naftë nuk do të tregtohet më shumë se 221 lekë për litër, ndërsa një 1 litër benzinë jo më shumë se 207 lekë. Ndërkohë çmimi i gazit mbetet në kuotën e 81 lekë për litër.
Ulja që bordi i ka bërë çmimit të naftës është vetëm 5 lekë, ndërkohë që çmimet në bursat ndërkombëtare janë ulur ndjeshëm, madje prej ditësh publikohen edhe çmimet me të cilat tregëtohen karburantet në vendet fqinje, me një diferencë mjaft të madhe me tregun shqiptar.
Vendimi i Bordit
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 207 lekë/litri,ndërsa i shitjes me shumicë jo më shumë se 195 lekë/litër.
✅Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
🗓Çmimet e caktuara nga Bordi do të hynë në fuqi sot datë 2 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
🛢Jemi në monitorim të vazhdueshëm të ecurisë së bursave, me qëllim reagimin sa më të shpejtë.
