Një sasi e madhe kanabis nuk ka arritur të mbërrijë në destinacion pas ndërhyrjes së policisë greke.
Lënda narkotike transportohej nga katër shqiptarë, të cilët janë vënë në pranga nga autoritetet. Shqiptarët po transportonin 67 kg kanabis për llogari të një bashkëatdhetari.
Policia kishte marrë informacione më parë, duke lokalizuar dy makina në të cilat udhëtonin autorët.
Mediat greke shkruajnë se gjithashtu dy automjetet janë konfiskuar nga policia së bashku me 2190 euro dhe shtatë aparate celularë, të cilat iu gjetën autorëve.
Burimi: Protothema.gr
