Nëse keni nisur pushimet dhe jeni në merak se si do të jetë moti në ditët e gushtit, atëherë po ju themi që të mos shqetësoheni.
Temperaturat do të jenë të larta dhe ndonjë orë do të jetë me vranësira, por pa problem, pasi do të jenë kalimtare.
Shërbimi Meteorologjik Ushtarak ka bërë parashikimin e motit për javën e parë të gushtit.
Në këtë mënyrë moti për të gjithë javën parashikohet kryesisht i kthjellët por nuk do të mungojnë edhe alternimet e vranësirave të pakta por hera-herës edhe mesatare. Në relievet malore në lindje si dhe zonën e jugut vranësirat hera-herës deri të dendura, por kalimtare.
Era përgjatë këtyre ditëve do të fryjë me drejtim kryesor nga kuadrati i veriut dhe shpejtësi mesatare 1-5m/s ndërsa në bregdet dhe lugina me rrahje deri në 8-10m/s.
Vlen për tu theksuar se duke filluar nga dita e Mërkurë mbi vendin tonë depërton përsëri një valë e të nxehti me masa ajrore nga Afrika e Veriut si dhe temperatura të cilat parashikohet të presin përsëri vlerat 38 deri në 40°C.
