Liverpooli është fituesi i Superkupës së Anglisë, pasi ka arritur të mposhtë Manchester City-n me rezultatin 3-1.
Të kuqtë e drejtuar nga Jurgen Klopp treguan se do kërkonin trofeun që në minutat e para, duke krijuar disa raste të rrezikshme.
Ekipi i Klopp shpërblehet me gol në minutën e 21-të. Arnold, edhe pse nuk është një sulmues bën gjithçka mirë, pasi gjuajtja e tij nga distanca përfundon në rrjetë.“Qytetarët” ia dalin të barazojnë vetëm në minutën e 70-të me Alvarez.
Goli që do vlente shumë për Liverpool do vinte në minutën e 83-të. Salah merr përsipër ekzekutimin e një penalltie, të cilën e shndërron në gol. Në limite ka kohë edhe për Nunez që çon në festë tifozët.
