Profesori i historisë Rubens Shima deklaroi në një takim të organizuar nga kryedemokrati Sali Berisha se zhvillimi i Tiranës është në dorë të agjendës së ndërtimit.
Sipas tij, arkitektura e sotme në kryeqytet nuk është gjë tjetër veçse shija korruptive e njerëzve të babëzitur në qeveri që duan të përvetësojnë pronat publike. Shima theksoi se aty ku mundet qeveria ndërton, ndërsa aty ku s’munden e shndërron në përfitim për godinat e veta.
Profesori i historisë Rubens Shima deklaroi e po diskutohet për një plan menaxhimi për Pallatin e Brigadave për ta menaxhuar me PPP.
“Kjo estetikë që shohim sot, kjo arkitektura e sotme nuk është gjë tjetër veçse shija korruptive e këtyre njerëzve të babëzitur që gjithçka që është publike duan ta përvetësojnë, aty ku mundit ta ndërtojnë dhe aty ku nuk munden ta kthejnë, ta shndërrojnë në përfitim për godinat e tyre, siç ndodh edhe me sheshin Skënderbej.
Nuk di hollësira, por më bën përshtypje se ç’është ky shtet që nuk menaxhon dot një pallat mbretëror. Ky shtet një pallat mbretëror ka, dhe këtë do t’ia japi një privati. Ka një plan menaxhimi për Pallatin e Brigadave për ta menaxhuar me PPP.”-tha Shima.
