Aktivisti dhe gazetari Aulon Kalaja u shpreh gjatë një takimi për trashëgiminë kulturore se sovraniteti i Butrintit ka rënë për 10 vitet e ardhshme.
Ai tha se koncensioni i Butrintit u gatua nga Elva Margariti.
“Butrinti u dha me koncesion tek dy njerëz që kam pikëpyetje të mëdha, avokatja e inceneratorëve është tek bordi i Butrintit, shoqe e ngushtë e Elva Margaritit. Richard Hodges, kreu i fondacionit, thotë se Butrinti e Saranda i janë lënë rastësisht Shqipërisë. Ai që vendos në pikëpyetje sigurinë kombëtare, ne i japim Butrintin.
Sovraniteti i Butrintit ka rënë për 10 vitet e ardhshme. Kam një pyetje publike për Margaritin dhe ata që gatuan çorbën e Butrintit. A është e vërtetë që Butrinti është shitur para disa vitesh në vilën e Richard Hodges në Korfuz? Kam fakte për këtë, por po ia bëj pyetje publike kësaj radhe…”, tha Kalaja.
