Prej orës 18:00, forcat RENEA dhe shërbime të tjera policore kanë zbarkuar në Elbasan, Belsh e Peqin dhe po zhvillojnë kontrolle të imtësishme në të gjitha hyrje-daljet, në zonat përreth dhe jo vetëm.
Këto kontrolle janë duke u zhvilluar edhe në disa lagje problematike të këtij qyteti me qëllim kapjen e personave me precedentë penalë të kërkuar nga drejtësia.
Operacioni është shtrirë në pjesën më të madhe të Elbasanit dhe priten rezultate të rëndësishme në orët në vijim. Autoritetet po kontrollojnë edhe automjetet luksoze që qarkullojnë në rrugët e qytetit.
