Kryebashkiaku i Tiranës, Erion Veliaj, ka postuar në rrjetin social disa pamje nga përgatitjet e bëra për ceremoninë që pritet të mbahet pas betimit të Bajram Begajt si president në kuvend.
Veliaj shkruan se pavarësisht se disa prej tyre i kanë sabotuar punët, kryeqyteti, gjithnjë i kishte respektuar presidentët.
Duket se Veliajt nuk i del inati me Ilir Metën, edhe pse mandatin e parë si kryebashkiak e mori pikërisht me votat e partisë që drejtonte presidenti në detyrë.
Postimi i Veliaj
Kryeqyteti i ka respektuar gjithnjë presidentët, dhe pse shpesh kanë sabotuar punët, nga këndet e lodrave e gjer tek projektet madhore, Astiri e Lana.
Me shpresën e madhe që më në fund do kemi një president normal, Bashkia Tiranë është stolisur kuq e zi gati për ceremoninë! 🇦🇱❤️
