Një peshkarexhë me 80.000 litra naftë kontrabandë është bllokuar nga policia në Durrës, ndërsa janë shpallur në kërkim administratori, kapiteni dhe mekaniku.
Policia njoftoi se specialistët e Seksionit për Hetimin e Krimit Ekonomik dhe Financiar në DVP Durrës, bazuar në informacionet e marra në rrugë operative se në ish-kantierin detar në Portin e Durrësit ishte ankoruar një peshkarexhë me naftë të dyshuar të kontrabanduar, organizuan dhe finalizuan operacionin policor të koduar “Diesel”.
Në kuadër të këtij operacioni u shpallën në kërkim shtetasit: A. M., 38 vjeç, banues në Durrës, administrator i peshkarexhës; F. A., 65 vjeç, banues në Durrës, kapiteni i peshkarëxhës; N. Xh., 53 vjeç, banues në Durrës, mekaniku i peshkarexhës.
Po ashtu, u bë sekuestrimi i peshkarexhës dhe i sasisë së naftës të dyshuar të kontrabanduar.
