Kryebashkiaku i Vlorës, Dritan Leli, ishte sot në SPAK ku sipas raportimeve është pyetur për rreth 1 orë. Leli nuk pranoi të bënte komente lidhur me atë që kishte ndodhur në zyrat e Prokurorisë Speciale, por tha se as nuk kishte ngritur ndonjë padi dhe as nuk ishte thirrur.
Por nga raportimet mësohet se shkaku i thirrjes së Lelit në SPAK mund të jetë një dosje përsa i përket abuzimit me pronat në breg, që struktura antikorrupsion është duke hetuar.
Sipas informacioneve jo zyrtare që Fax News ka siguruar mësohet se Leli, është thirrur si person që ka dijeni për këte çështje.
Të njëjtat burime thanë se kryebashkiaku i Vlorës, ka dhënë sqarime përpara hetuesve të SPAK për një kallëzim që Kontrolli i Lartë i Shtetit ka bërë në këtë institucion, pas inspektive që ka kryer në terren.
